Os ydych wedi meddwl erioed beth mae syrfëwr siartredig gwledig yn ei wneud, nid chi yw’r unig un. Mae llawer o bobl yn cymryd mai dim ond mesur ffiniau neu baratoi prisiadau mae syrfewyr. Ac i ddrysu pethau’n waeth, cyfeirir atom fel arfer fel Asiant Tir! Ond mewn gwirionedd, mae rôl syrfëwr siartredig gwledig yn llawer mwy na mesur, rydym hefyd yn cynnig gwasanaeth rheoli tir, prisio, cyngor cynllunio a strategol ar draws prosiectau ffermio, hamdden ac ynni. Yn Baileys a’u Partneriaid, rydym yn cynnig gwybodaeth leol, arbenigedd proffesiynol ac agwedd ymarferol i helpu perchnogion tir a busnesau wneud y penderfyniadau cywir iddyn nhw a’u hasedau.
Ein Rôl mewn Bywyd Gwledig
Rydym yn gweithio gydag ystadau preifat, ffermwyr, busnesau a chyrff cyhoeddus. Os ydych yn archwilio’r syniad o arallgyfeirio ar y fferm, ystyried ynni adnewyddadwy neu’n cynllunio ar gyfer olyniaeth, rydym yn darparu cyngor penodol yn seiliedig ar realiti Cymru wledig. Byddwn bob amser yn dechrau drwy ddeall eich targedau, fel y gallwn ddarparu atebion ymarferol sy’n ychwanegu gwerth gwirioneddol.
Arbenigedd Ymarferol wedi’i Wreiddio’n Lleol
Mae ein tîm yn cyfuno profiad ffermio ymarferol ag achrediad proffesiynol. Rydym yn briswyr wedi’n rheoleiddio gan RICS, sy’n rhoi hyder i gleientiaid bod ein cyngor yn bodloni’r safonau uchaf, ond yn seiliedig ar wybodaeth ymarferol hefyd. Mae’r cymysgedd hwn o arbenigedd proffesiynol ac ymarferol yn caniatáu i ni gefnogi prosiectau’n amrywio o reoli tir a phrisio i asesiadau cyfalaf naturiol a cheisiadau am iawndal.
Gweithio ochr yn ochr â Gweithwyr Proffesiynol Eraill
Yn aml, mae angen gweithio fel tîm ar brosiectau gwledig. Dyna pam ein bod yn cydweithio’n agos gyda chyfreithwyr, cyfrifwyr, cynllunwyr a pheirianwyr. Os ydym yn darparu prisiadau sy’n cydymffurfio â RICS ar gyfer profiant, arwain dichonolrwydd cynllun ynni cynaliadwy neu’n helpu i ddatrys anghydfod, mae ein dull yn sicrhau bod cleientiaid yn cael cefnogaeth ddi-dor. Nid dim ond cynghori ydyn ni, rydym yn codi’r ffôn, (pwysig iawn!), yn sgwrsio (pwysig iawn iawn!), cydlynu ac integreiddio cynlluniau fel bod cleientiaid yn cael canlyniadau gwell, mwy effeithlon.
Yr Hyn sy’n ein Gwneud yn Wahanol
Yn wahanol i syrfewyr adeiladu neu werthwyr tai, rydym yn gweithio ar draws disgyblaethau; prisio, cynllunio, cyfryngu, ynni, hamdden a mwy. Mae’r cwmpas eang hwn yn golygu ein bod yn gweld cysylltiadau y gallai eraill eu methu. Mae ein cleientiaid yn gwerthfawrogi ein gallu i ddarparu eglurder, datrys heriau a darparu datrysiadau arloesol ac ymarferol.
Hefyd, mae gan ein tîm wybodaeth a phrofiad ymarferol yn y sectorau maent yn cynghori arnynt. Er enghraifft, mae Tom yn mwynhau pob agwedd o ymgynghoriaeth fferm, wedi sefydlu uned bîff lwyddiannus yn Ynys Môn, ac mae Ed yn gallu trafod ynni ar lefel uwch yn dilyn gwaith llwyddiannus i gynllunio, cael caniatâd, adeiladu a rhedeg system trydan hydro gartref ar y fferm.
Mae syrfëwr siartredig gwledig yn gwneud llawer mwy na’r hyn mae’r rhan fwyaf o bobl yn ei sylweddoli. Yn Baileys a’u Partneriaid, nid dim ond ymgynghorwyr ydyn ni, rydym yn gydweithwyr sydd wedi ymrwymo i helpu cleientiaid ddatgloi potensial eu prosiectau tir, hamdden ac ynni.
Os ydych chi’n credu y gallwn ychwanegu gwerth at eich cynlluniau, byddem wrth ein boddau’n dechrau’r sgwrs.
Ydych chi’n barod i ddatgloi potensial llawn eich tir neu brosiect hamdden neu ynni?
Os hoffech chi wybod sut y gallai Baileys a’u Partneriaid ychwanegu gwerth at eich cynlluniau, boed drwy brisiad arbenigol, cyngor strategol neu gymorth ymarferol, byddem wrth ein boddau’n clywed gennych.
Mae ein tîm o syrfewyr siartredig gwledig yma i’ch arwain gydag arbenigedd lleol a phroffesiynol. Ffoniwch 01341 241700, anfon e-bost at enquiries@baileysandpartners.co.uk, neu ewch i’n gwefan www.baileysandpartners.co.uk i gael mwy o wybodaeth.
